Ойр ойрхон цистит тусах нь юунаас болдог вэ?

Цистит нь нянгийн гаралтай давсгийн үрэвслийг хэлэх бөгөөд ойр ойрхон шээс хүрч дутуу шээсэн санагдах, хэвлийн доод хэсэг болон шээсний сүвээр өвдөх, шээс эвгүй үнэртэй байх, цустай шээх зэрэг шинж тэмдгүүд илэрдэг.

 Та бүхэнд Бүндан Жэсэн нэгдсэн эмнэлгийн Урологийн тасгийн Юүн Хёон эмчийн зөвлөгөөг хүргэж байна. 

<Урологийн тасгийн эрхлэгч Юүн Хёон Сог эмч>

Дэлхийн нийт эмэгтэйчүүдийн 60% нь амьдралдаа нэг удаа цистит тусаж өвдсөн байдаг. Циститийн анагаахын мэргэжлийн үг хэллэг нь давсгийн цочмог үрэвсэл бөгөөд энэ нь давсаг нянгийн халдвар авснаар үүссэн үрэвслийг хэлдэг. Шинж тэмдгээр ойр ойрхон шээс хүрч дутуу шээсэн санагдах, хэвлийн доод хэсэг болон шээсний сүвээр өвдөх, шээс эвгүй үнэртэй байх, цустай шээх зэрэг илэрдэг. Нэгэнд өвчин авсан бол их зовуурьтай хэцүү байдаг ч эмчилгээ маш сайн авдаг учраас шээсний шинжилгээ хийлгүйгээр ихэвчлэн шууд антибиотик ууснаар 72цагийн дотор шинж тэмдгийн 90% нь арилж ямар нэгэн сөрөг нөлөөгүй бүрэн эдгэрдэг.

Үүнчлэн эмэгтэйчүүдэд маш элбэг тохиолддог өвчин учраас өвчтөнүүд шээсний шинжилгээ өгөхгүйгээр эмчээс шууд антибиотик бичүүлж уудаг ч сүүлийн үед их олон өвчтөнүүд антибиотикийн дасалтай нянгийн улмаас үүсэн үрэвслээр өвчилж байгаа учир мэргэжлийн эмчийн хувьд шээсний шинжилгээ өгч байхыг зөвлөдөг болсон.

Антибиотикийн дасалтай нянгийн улмаас үүссэн үрэвсэл

Антибиотикийн дасалтай нянгийн улмаас үүсэн үрэвслийг 1-2 долоо хоногийн турш эмчилгээ хийж эмчлэх ч өвчин дахиж сэдрэх магадлал өндөр байдаг. Манай эмнэлэгт ирж үзүүлж байгаа өвчтөнүүдийг харахад анх удаа цистит туссан ч антибиотикийн дасалтай нянгийн улмаас үүсэн үрэвсэлтэй өвчтөнүүд их байх болсон. Ийм үед илүү хүчтэй антибиотик хэрэглэж эмчилдэг ч үрэвсэл нь эдгэхгүй байвал 2долоо хоногийн турш өдөр бүр тариа хийх эмчилгээ шаардлагатай.

Давсгийн үрэвслийн шинж тэмдгээр шээхэд цус гарах байдаг бөгөөд үүнээс болж айж эмнэлэгт ирж үзүүлдэг хүмүүс их байдаг. Гэхдээ энэ нь тийм ч их санаа зовох зүйл биш, цус ердөө ганцхан дусал байхад л нүдэнд их цус алдсан юм шиг улаан харагддаг учраас ихэвчлэн бодсон шиг тийм ихээр цус алдаагүй байх тохиолдол олонтаа байдаг. Тиймээс санаа зоволтгүй циститийн эмчилгээ хийлгэхэд шинж тэмдэг нь өвчний хамт арилна. Гэвч эмчилгээ хийлгэсэн ч гэсэн адилхан цустай шээж байгаа бол шээсний сувганд чулуу үүсэх, шээсний сувагийн нарийсал, давсаг болон бөөрний хавдар зэрэг өөр өвчинтэй эсэхийг шалгаж үзэх хэрэгтэй.

Ойр ойрхон цистит тусах

Циститийн эмчилгээг сайн хийлгэж эдгээсэн ч жилийн дотор өвчин нь дахин сэдэрсэн бол энэ нь давсгийн ханан дотор үрэвсэл үүсгэгч нян нуугдаж байгаад дахиж үрэвсэл үүсгэж байх магадлалтай. Өмнө нь бол ихэвчлэн хувь хүний ариун цэврийн байдал болон амьдралын хэв маяг, зуршлын улмаас өвчин сэдэрсэн хэмээн ойлгогддог байсан ч сүүлийн үел маикробиом-ыг задлан судлах технологи хөгжсөнөөр эд эрхтний хананд нуугдсан нянг олж эмчлэх боломжтой болсон. Ийм тохиолдолд илүү нарийн шинжилгээ хийж хамгийн түрүүнд үүний улмаас үүссэн ямар нэгэн өвчин эмгэг байхгүй эсэхийг шалгаж эмчилгээний арга барилыг олж авах хэрэгтэй. Өмнө нь нянгийн халдвар авж байсан эсэх, цэвэршилт явагдсан эсэх, хамгийн сүүлд хэзээ антибиотик хэрэглэснийг, бэлгийн харьцаанд орсон эсэх, ямар хамгаалалт хэрэглэдэг зэргийг шалгаж үтрээний харагдах байдал, аарцагны эд эрхтнүүдийн байдал зэргийг шинжлэх хэрэгтэй.

Ямар шинжилгээ өгөх вэ?

Шээсний шинжилгээ болон нян өсгөвөрлөх шинжилгээ хийх шаардлагатай бөгөөд ойр хавийн эд эрхтэнд халдварлах сэжигтэй бол Комьютер томограф зураг болон эхо зэрэг нэмэлт шинжилгээнд хамрагдана. Шээс удаан гарахгүй байх, шээхд хүндрэлтэй, шээс задгайрах зэрэг шинж тэмдэг нэмж илэрвэл давсгийн үйл ажиллагаа буурсан эсэхийг шалгах шинжилгээ хийх бөгөөд 45-аас дээш настай цустай шээж байгаа бол давсгийн хорт хавдрын шинжилгээ хийх хэрэгтэй болно.

Эмчилгээ бүрэн хийгдсэн ч гэсэн байнга эмчийн хяналтад байж нян өсгөвөрлөх зэрэг шинжилгээнд хамрагдах бөгөөд өвчин бүрэн эдгэрээгүй тохиолдолд нэмэлт урьдчилан сэргийлэх эмчилгээг хийнэ. Мөн сүүлийн үед бүдүүн гэдсэн дахь нянг задлан шинжилж хэрэгтэй нянг нь гарган авж дархлаа сайжруулах эмийн бэлдмэл хийн 3сарын турш өдөрт 1 удаа уухад өвчин сэдрэх магадлал тал хүртлээ буурах зэрэг маш үр дүнтэй эмчилгээ учраас үед ихээр хэрэглэх болсон.

Солонгос улсын Бүндан Жэсэн Нэгдсэн эмнэлэг.

Бүндан Жэсэн Нэгдсэн эмнэлгийн хамт олон нь та бүхэнд аюулгүй орчинд сайн зөв эмчилгээ хийхийг эрхэмлэн зорьдог бөгөөд асуух зүйл байвал хэзээ ч хамаагүй чөлөөтэй хандаж байгаарай. 

Монгол дахь шинжилгээний хариугаар Солонгос эмч цахим үзлэг хийж эм бичиж явуулж өгнө.

Цаг авах, зөвөлгөө авахыг хүсвэл дараах хаягаар холбогдоорой. 

TEL : +82-31-779-5060 / +82-10-9797-6975

E-Mail : dmcihc@gmail.com

What's app : +82-10-9797-6975

Хаяг : Солонгос улс Соннам хот бүндангүй соёхонру 180-20 Бүндан Жэсэн Нэгдсэн эмнэлэг