Хорт хавдрын хагалгаанд орсны дараах хоол хүнсний хэрэглээ

Хагалгаанд орсны дараа зөв зохистой хооллолтоор өвчтөний шархыг хурдан эдгээж тэнхрүүлэх хэрэгтэй байдаг. Уургаар баялаг хоол хүнс нь шархыг хурдан эдгээж, илчлэг өндөр хөнгөн зууш сайн идсэнээр тамир тэнхээ орж мөн хоолны дуршил нэмэхэд тусална.

• Ам болон хоолойн хавдар авахуулах хагалгаанд орсны дараа

Ам болон хоолойн хавдрын мэс засалд орсон бол ярих, залгих, зажлах, амт мэдрэх зэрэгт асуудал үүсдэг. Тиймээс хоол хүнсийг дараах аргаар өгвөл сайн.

1. Зажилж залгихад асуудалтай бол

-   Хүнсний материалаа жижиглэх юм уу машиндаж зутан хэлбэрийн хоолоор хооллох.  

-   Халуун ногоотой болон гашуун, эслэг, хүнд хэлбэрийн хоолноос татгалзах.

-   Зуурмаган аманд наалддаг хоол хүнс болон ус шиг шингэн, том хэмжээний хоол хүнснээс татгалзах.

-   Аль болох зутан шиг өтгөн хоолоор хооллох.

-   Хоолны дуршил маш муу бага иддэг бол хаймсуураар хооллох.

2. Шүдээ авахуулсан бол

-   Хоолыг нь жижиглэх болон машиндаж өгнө.

3. Амны хуурайшилт/хоолны дуршилгүй байгаа бол

-   Тэжээллэг болон илчлэг өндөр хоолыг багаар ойр ойрхон хооллох.  

-   Зутан шиг шингэн хоолоор хооллох.

-   Хуурч шарсан хатуу хоолноос татгалзах.

• Улаан хоолой болон ходоодны хорт хавдрын хагалгаа хийлгэсэн бол

Анхаарах зүйлс : Улаан хоолойн хорт хавдрын мэс засалд орсон бол улаан хоолойг тайрч ходоод болон гэдсээр орлох хоолойг хийж өгдөг бөгөөд ходоодны хорт хавдар бол ходоодыг бүтэн юм уу тал авдаг. Ингэснээр ходоодны багтаамж нь багасаж ходоодны гүрвэлзэх хөдөлгөөн багасдаг учир амархан цадаж гэдэс өвдөх, гэдэс томрох зэрэг таагүй мэдрэмж төрдгөөс болж сайн хооллож чаддаггүй юм.

Хооллох арга : Хамгийн гол нь хүнснээс хэрэгтэй шим тэжээлээ бүгдийг нь авах хэрэгтэй учраас илчлэг өндөр хоол хүнсийг бага багаар олон удаа өгөхийг зөвлөдөг. Мөн ходоодны гүрвэлзэх хөдөлгөөн багассан байх учир маш сайн зажилж идэх хэрэгтэй.

• Нойр булчирхайн хорт хавдрын хагалгаа хийлгэсэн бол

Нойр булчирхайн хагалгаанд орсон тохиолдолд нойр булчирхайн шүүс болон цөсний өөрчлөлтийн улмаас шим тэжээл болон хоол нь шингэхгүй байдаг. Ялангуяа өөх тос шингэх нь их муу болдог учраас өөх тос багатай сайн шингэх өндөр илчлэгтэй хоолыг бага багаар өгөх хэрэгтэй. Мөн нойр булчирхайн мэс засалд орсноор инсулин ялгарах нь маш багасаж сахарын өвчин тусах магадлалтай байна. Энэ тохиолдолд инсулиний эмчилгээ болон сахарын өвчтөнүүдийн хооллолтын аргыг дагана.

• Бүдүүн гэдэсний хорт хавдрын хагалгаа хийлгэсэн бол

Гэдсийг цочроохгүй хоол хүнс мөн хоол идсэний дараах таагүй мэдрэмжийг багасгахын тулд эслэг/нийлмэл нүүрс ус/ ихтэй хоол хүнснээс татгалзах хэрэгтэй. Хагалгаанд орсны дараа 1-2 сарын дараагаар хагалгаанд орсон хэсэг хэр сайн эдгэж байгаагаас шалтгаалаад жирийн хоол хүнс хэрэглэх бөгөөд ямар нэгэн өвдөлт болон эвгүй мэдрэмж төрүүлсэн хүнснээс татгалзана. Дэндүү удаан хугацааны турш нүүрс ус болон эслэг хүнснээс татгалзах нь гэдэсний гүрвэлзэх хөдөлгөөнг бууруулж өтгөн хатах магадлалтай.

/Эслэг ихтэй хүнс/

Бүндан Жэсэн Нэгдсэн эмнэлэг

Бүндан Жэсэн Нэгдсэн эмнэлгийн хамт олон нь та бүхэнд аюулгүй орчинд сайн зөв эмчилгээ хийхийг эрхэмлэн зорьдог бөгөөд асуух зүйл байвал хэзээ ч хамаагүй чөлөөтэй хандаж байгаарай. 

Монгол дахь шинжилгээний хариугаар Солонгос эмч цахим үзлэг хийж эм бичиж явуулж өгнө.

Цаг авах, зөвөлгөө авахыг хүсвэл дараах хаягаар холбогдоорой. 

TEL : +82-31-779-5060 / +82-10-9797-6975

E-Mail : dmcihc@gmail.com

What's app : +82-10-9797-6975

Хаяг : Солонгос улс Соннам хот бүндангүй соёхонру 180-20 Бүндан Жэсэн Нэгдсэн эмнэлэг