Жирэмслэлтээс хамгаалах эмийн талаар хэр сайн мэддэг вэ?

20-р зууны хамгийн шилдэг бүтээл бол цөмийн бөмбөг, сансрын хөлөг зэрэг биш ажээ. Харин жирэмслэлтээс хамгаалах эм 20-р зууны хамгийн шилдэг шинэ бүтээлээр тодорсон юм.

Жирэмслэлтээс хамгаалах эм нь эстроген болон прогестероныг хольж хийсэн өдөр бүр ууж жирэмслэлтээс хамгаалах зориулалттай эм юм. Сүүлийн үед зөвхөн жирэмслэлтээс хамгаалах бус умайн хэт их цус алдалт, сарын тэмдгийн өвдөлт зэрэг эмэгтэйчүүдийн өвчин болон батганы эмчилгээ зэрэг өргөн хэрэглэх болсон билээ. Тус эмийг бүх эмийн сангаас эмчийн бичиггүйгээр авч болох ч сүүлийн үед залуу эмэгтэйчүүд цусны бүлэн үүсч нас барих тохиолдол ихсэх болсон учраас жирэмслэлтээс хамгаалах эм анх удаа уух гэж байгаа бол нэг удаа эмчийн үзлэгт орсон нь дээр юм шүү.

Жирэмслэлтээс хамгаалах эмийн талаарх асуулт хариулт Q&A

1. Илүү сайн хамгаалдаг брендийн эм гэж байх уу?

Байхгүй. Сарын тэмдэг ирснээс 5хоногийн дотор эмээ ууж эхлээд өдөр бүр нэг тогтсон цагтаа сайн уухад болно. Ингэж ууснаар бүх эмүүдийн үр дүн адилхан байна. Харин эмээ 12-24 цагийн дотор яг цагтаа ууж чадахгүй мартах, оройтож уух зэргээс хамааран эмийн үйлчилгээ нь буурдаг. Тиймээс эмээ нэг адил цагт өдөр бүр тогтвортой сайн уух хамгийн чухал юм.

2. Жирэмслэлтээс хамгаалах эмийг удаан хугацаанд хэрэглэвэл дараа нь хүссэн үедээ жирэмсэн болж чаддаггүй гэсэн үнэн үү?

Эмээ зогсооход цусан дахь эмийн хэмжээ аажмаар багасан өндгөвч хэвийн үйл ажиллагаанд орж жирэмслэхэд бэлэн болдог. Эм уухаа больсноос 1-3 сарын дотор сарын тэмдэг ирж эхэлнэ. Жирэмслэлтээс хамгаалах эмийг удаан хугацаанд уувал хүний бие дотор эмний орц нь хуримтлагдаж улмаар жирэмсэн болох боломжгүй болно гэж хүмүүс их яридаг. Энэ маш буруу ойлголт юм. Бүх эмтэй л адил шээс болон өтгөнөөр бүрэн гадагшилдаг.

3. Чухал шалгалтын өмнө сарын тэмдгээ хойшлуулах зорилгоор хэрэглэж болох уу?

Болно. Шалгалт өгөхөөс 7хоногийн өмнөөс ууж эхлээд шалгалтын өдөр хүртлээ ууна. Жирэмснээс хамгаалах эм нь дотор муухайруулах, бөөлжих зэрэг мэдрэмж төрүүлдэг учраас 1сарын өмнө эхэлж ууж үзээд өөрт таарах эсэхээ мэдэх хэрэгтэй. Мөн тамхи татдаг, жингийн илүүдэлтэй, өөр ууж байгаа эмтэй бол эмчээс зөвлөгөө авч уугаарай.

 4. “72 цагийн эм” авж уугаад 3өдрийн дараа цус алдвал жирэмсэн болоогүй гэж ойлгож болох уу?

100%-ын баталгаагүй. 72цагийн эм нь энгийн эмээс 4дахин их гормон агуулсан байдаг учраас эм ууснаас 2-3 өдрийн дараа цусан дахь эмийн хэмжээ буурч улмаар умайн цус алдалт явагдах үе бий. 21хоногийн турш уудаг эм нь зөв цагтаа ууж чадвал 99% -ын хамгаалалттай боловч 72цагийн эм нь 10% нь амжилтгүй, хамгаалж чаддаггүй. Тиймээс доошоо цус алдсан байлаа ч жирэмсэн болоогүй гэж хэлэх боломжгүй юм.

5. 45настай сүүлийн үед цэвэршилтийн шинж тэмдэг илэрч байгаа бол жирэмслэлтээс хамгаалах эм ууж цэвэршилтийг хойшлуулж болох уу?

Жирэмслэлтээс хамгаалах эм уувал сарын тэмдэг нь тогтмол сар бүр ирэх ч нэгэнд өндгөвчийн үйл ажиллагаа нь буурч эхэлсэн бол зогсоох боломжгүй. Мөн 35-аас дээш насны болон тамхи татдаг эмэгтэйчүүд тус эмийг хэрэглэж болохгүй , цусны бүлэн үүсэх өндөр магадлалтай байдаг. Хэрвээ эм уух шаардлагатай байгаа бол нэг үзлэгт орж эм уусан ч ямар нэгэн аюулгүйгээ мэдэж авсны дараа уухыг зөвлөе.

Та бүхэнд Бүндан Жэсэн Нэгдсэн эмнэлгийн Эмэгтэйчүүдийн тасгийн эрхлэгч Жан Жэ Хёог эмчийн зөвлөгөөг хүргэлээ.

<Эмэгтэйчүүдийн эмч Жан Жэ Хёог>

Солонгос улсын Бүндан Жэсэн Нэгдсэн эмнэлэг.

Бүндан Жэсэн Нэгдсэн эмнэлгийн хамт олон нь та бүхэнд аюулгүй орчинд сайн зөв эмчилгээ хийхийг эрхэмлэн зорьдог бөгөөд асуух зүйл байвал хэзээ ч хамаагүй чөлөөтэй хандаж байгаарай. 

Монгол дахь шинжилгээний хариугаар Солонгос эмч цахим үзлэг хийж эм бичиж явуулж өгнө.

Цаг авах, зөвөлгөө авахыг хүсвэл дараах хаягаар холбогдоорой. 

TEL : +82-31-779-5060 / +82-10-9797-6975

E-Mail : dmcihc@gmail.com

What's app : +82-10-9797-6975

Хаяг : Солонгос улс Соннам хот бүндангүй соёхонру 180-20 Бүндан Жэсэн Нэгдсэн эмнэлэг