Бамбай булчирхайн хорт хавдрын эмчилгээ

Бүндан Жэсэн нэгдсэн эмнэлгийн Бамбай булчирхайн хорт хавдар судлалын төвийн мэргэжлийн эмч нарын зөвлөгөөг та бүхэнд хүргэж байна. 

1. Оношлох : Бамбай булчирхайн хорт хавдрыг эхо болон, эсийн шинжилгээгээр оношилно. Эхогоор хавдрын хэмжээ, хэлбэрийг харснаар хорт хавдар мөн эсэхийг үздэг. Хэрвээ хор хавдар байх магадлалтай бол нэмж эсийн шинжилгээ авна. Эсийн шинжилгээ нь зүүгээр хавдрыг хатгаж эсийг нь авдаг нарийн шинжилгээ юм. Мөн хорт хавдар өөр эрхтэнрүү үсэрхийлсэн эсэхийг КТ зураг авж шалгана. 

2. Мэс засал : Хорт хавдраар оношлогдсон бол заавал хагалгаанд орох хэрэгтэй. Хагалгааны өмнө хавдрын хэмжээ, үсэрхийлсэн эсэх, хэр гүн ургасан байгаагаас шалтгаалан бамбай булчирхайг бүтэн болон зөвхөн нэг талыг авах эсэхийг шийднэ. 

3. Цацрагт идэвхт иодын эмчилгээ : Цацрагт идэвхт иодын эмчилгээг хагалгааны дараа өвчин дахих магадлалтай үед хийнэ. Тус эмчилгээ нь уудаг цацрагт бэлдмэл бөгөөд эм ууж эхлээд 2-3 хоногийн дараа бүтэн биеийн зураг авч биеийн аль нэг хэсэгт нуугдсан хавдрын эсийн байрлалыг олж авдаг. Өндөр тунгаар хэрэглэх шаардлагатай бол эмнэлэгт хэвтэж эмчилгээ хийлгэх бөгөөд шинжилгээний хариуд хавдрын эс үлдсэн байгаа бол 6сарын дараа эмчилгээг дахин хийнэ. 

4. Бамбай булчирхайн даавар уух : Хагалгааны дараа өвчин дахихаас сэргийлэн дааврын эмчилгээ хийх шаардлагатай. 

5. Өвчний тавилан : Бамбай булчирхайн хорт хавдар нь бусад хорт хавдартай харьцуулахад илүү тавилан сайн 5 жилээс удаан амьдрах магадлал 98% хүртлээ өссөн. Хорт хавдрын 1, 2-р шатанд нас барах магадлал 0%, 3-р шатанд 4%, 4-р шатанд 55%тай байна. 

Бамбай булчирхайн хорт хавдрыг үүсгэдэг зүйлс нь цацраг туяанд өртөх, жирэмснээс хамгаалах эм уух, эмэгтэй гормоны бэлдмэл уух, хүүхэд зулбах, өндгөвч авахуулах, хэт таргалах, удмын өвчин зэрэг байна. Гэвч эдгээрийн нэг ч хамааралгүй хорт хавдар туссан хүмүүс байдаг учраас тогтмол урьдчилан сэргийлэх шинжилгээнд орж үзүүлэх нь хамгийн сайн арга юм. 

Бүндан Жэсэн Нэгдсэн эмнэлэг

Бүндан Жэсэн Нэгдсэн эмнэлгийн хамт олон нь та бүхэнд аюулгүй орчинд сайн зөв эмчилгээ хийхийг эрхэмлэн зорьдог бөгөөд асуух зүйл байвал хэзээ ч хамаагүй чөлөөтэй хандаж байгаарай. 

Монгол дахь шинжилгээний хариугаар Солонгос эмч цахим үзлэг хийж эм бичиж явуулж өгнө.

Цаг авах, зөвөлгөө авахыг хүсвэл дараах хаягаар холбогдоорой. 

TEL : +82-31-779-5060 / +82-10-9797-6975

E-Mail : dmcihc@gmail.com

What's app : +82-10-9797-6975

Хаяг : Солонгос улс Соннам хот бүндангүй соёхонру 180-20 Бүндан Жэсэн Нэгдсэн эмнэлэг